Traffig Cymru yw gwasanaeth gwybodaeth Llywodraeth Cymru ar gyfer traffyrdd a chefnffyrdd yng Nghymru.
Traffig Cymru yw gwasanaeth gwybodaeth Llywodraeth Cymru ar gyfer traffyrdd a chefnffyrdd yng Nghymru. Darperir gwasanaeth Traffig Cymru gan Asiant Cefnffyrdd Gogledd a Chanolbarth Cymru (ACGCC) ac Asiant Cefnffyrdd De Cymru (ACDC). Mae cydweithredu rhwng yr Asiantau yn galluogi'r gwasanaeth i weithredu'n effeithiol ddydd a nos, gydol y flwyddyn.
Traffig Cymru yw cyswllt y cyhoedd â Chanolfannau Rheoli Traffig Llywodraeth Cymru yng Nghonwy a Chaerdydd.
Mae gweithrediadau'r Canolfannau Rheoli Traffig, a reolir gan ACDC ac ACGCC, wedi cael effaith gadarnhaol iawn ar reoli'r rhwydwaith ffyrdd trwy fonitro amodau traffig, rhoi negeseuon ar hysbysfyrddau ochr ffordd a chynnal Gwasanaeth Swyddogion Traffig Llywodraeth Cymru.
Cyfunodd gwasanaethau Traffig Cymru a Chanolfan Rheoli Traffig Cymru eu hymdrechion i ategu cyfrifoldebau trafnidiaeth Llywodraeth Cymru: gan ddatblygu system drafnidiaeth o safon byd i ddarparu trafnidiaeth ddiogel, fforddiadwy a chynaliadwy i bawb.
Ein gwybodaeth draffig
Rydym wrthi'n barhaus yn ymdrechu i wella'r gwasanaeth trwy ehangu ein dulliau dosbarthu a chynyddu ein dulliau o gasglu data.
Yn ogystal â'r wefan hon, mae gwybodaeth ddwyieithog am draffig ar gael mewn fformatau eraill hefyd:
- Ffoniwch ni unrhyw amser ar 0300 123 1213
- Dilynwch ni ar Twitter:
- Ar gyfer gwybodaeth am y Gogledd a'r Canolbarth, dilynwch @TraffigCymruG
- Ar gyfer gwybodaeth am y De, dilynwch @TraffigCymruD
- Lawrlwythwch Traffic Wales Traffig Cymru ar gyfer iPhone
- Lawrlwythwch Traffic Wales Traffig Cymru ar Google Play
- Tanysgrifiwch i'n ffrydiau RSS
Rydym yn rhannu ein data â darparwyr eraill sy'n rhoi gwybodaeth am draffig er mwyn helpu i gyrraedd cynulledifa ehangach. Yn ystod eich taith, cofiwch wrando ar fwletinau gorsafoedd radio lleol, neu defnyddiwch eich system llywio â lloeren i gael yr holl newyddion diweddaraf am y traffig.
Mae gwasanaeth tanysgrifio e-bost ar gael gan ein darparwr mapiau traffig, Elgin. Ewch i'r map traffig a dewiswch yr eicon e-bost yn y ddewislen fapiau i danysgrifio. Mae'r gwasanaeth ar gael trwy gyfrwng y Saesneg yn unig ar hyn o bryd.
Mae datblygwyr, darparwyr gwybodaeth am draffig a phartneriaid eraill yn y diwydiant trafnidiaeth yn gallu cael gafael ar ein data mewn fformatau eraill. Ewch i'r dudalen Datblygwyr am ragor o fanylion.
I'w defnyddio mewn astudiaethau academaidd, gall cofnodion hanesyddol o rai mathau o wybodaeth am draffig a gyhoeddir yn y wefan hon fod ar gael ar gais. Cysylltwch â ni gyda manylion eich ymholiad.