System reoli traffig newydd yw Ymgyrch Cybi (Operation Cybi) i helpu lleihau aflonyddwch traffig ac oedi i yrwyr Cerbydau Nwyddau Trwm (HGVs) ym Mhorthladd Caergybi o ganlyniad i adael yr Undeb Ewropeaidd.
Cyfarwyddiadau i yrwyr HGV sydd wedi cael eu troi'n ôl o Borthladd Caergybi oherwydd gwallau yn y dogfennau angenrheidiol
Os ydych chi wedi cael eich troi yn ôl o'r man derbyn ym Mhorthladd Caergybi o ganlyniad i waith papur annigonol neu anghywir, bydd angen i chi gael y dogfennau cywir cyn ceisio mynd ar long eto. Gofynnir i chi adael y porthladd gan ddilyn llwybr y gwyriad sydd wedi'i amlinellu yn y ddogfen hon.
Mae'r llwybrau gwyriad yn caniatáu i chi aros yn agos at y porthladd gan ddarparu lle i chi ddatrys unrhyw broblemau gwaith papur fel y medrwch barhau gyda'ch siwrnai gyda cyn lleied o aflonyddu â phosib. Mae'r llwybrau wedi eu marcio gyda siapiau o wahanol liw i sicrhau eu bod yn hawdd i'w dilyn. Yn ogystal, darperir cyfleusterau toiledau i yrwyr HGV yn yr holl safleoedd gofodau aros.
Bydd llwybr y sgwâr glas yn eich cyfarwyddo o'r porthladd yn ôl ar yr A55 drwy'r gwrthlif. Yna, bydd angen i chi adael yng Nghyffordd 4. Yma byddwch yn cael eich tywys o amgylch y cylchfannau gan ail-ymuno â'r A55 ar y gerbydlon tua'r gorllewin fel y dangosir uchod.
Os ydych yn cael eich troi yn ôl o'r porthladd sicrhewch eich bod yn dilyn llwybr y gwyriad sgwâr glas yn ôl i Gyffordd 4 ar yr A55.
Dilynwch unrhyw arwyddion/neu gyfarwyddiadau a gewch gan y stiwardiaid yng ngofod aros yr A55. Pan fyddwch yn barod i groesi'r ffin Ewropeaidd bydd gwasanaeth hebrwng ar gael oddeutu bob 30 munud i hebrwng traffig HGV yn ddiogel ac yn effeithlon o ofod aros yr A55 yn lôn 2. Peidiwch â cheisio gadael y gofod aros heb gerbyd hebrwng. Mae hyn er mwyn eich diogelwch chi, gyrwyr HGV eraill a'r stiwardiaid.
Cyfarwyddiadau i yrwyr HGV sy'n teithio i Borthladd Caergybi, pan nad yw'r porthladd bellach yn medru prosesu traffig fferi sy'n gadael
Os ydych ar eich ffordd i Borthladd Caergybi a bod oedi sylweddol i groesi gyda'r fferi byddwch yn cael eich cyfarwyddo oddi ar y ffordd yng nghyffordd 4 tua'r gorllewin cyn i chi gyrraedd y porthladd. Mae hyn yn berthnasol i'r holl yrwyr HGV os ydynt yn barod i groesi'r ffin ai peidio.
Bydd hyn yn sicrhau bod digon o le i'r HGVs a fu'n oedi i gyrraedd y porthladd yn ddiogel heb achosi aflonyddu sylweddol i draffig lleol.
Byddwch yn cael eich cyfeirio i fynd i ofod aros yr A55 yng Nghyffordd 4.
Os ydych yn anwybyddu'r cyfarwyddyd yma bydd mwy o oedi cyn i chi fynd ar y llong gan y bydd yn rhaid i chi ymuno â chefn y rhes unwaith eto.
Byddwch wedyn yn cael eich rhyddhau o'r ardal hon mewn sypiau pan fo Awdurdod y Porthladd yn barod i dderbyn traffig HGV.
Mae cyfleusterau toiled ar gael i yrwyr HGV sy'n cael eu dal yng ngofod aros yr A55 bob 500m. Gofynnir yn garedig i chi aros yn eich cerbyd yn ystod yr amser yma gan gydymffurfio gyda rheoliadau covid ac unrhyw gyfarwyddiadau eraill a roddir i chi gan y stiwardiaid. Mae hyn i sicrhau eich diogelwch chi ac eraill:-
Rheolau Safle Gofodau Aros yr A55 a Hysbysiad i'r holl Yrwyr
|
Cyfyngiad cyflymder o 10mya drwy'r safle yma. |
|
|
Parciwch yn syth ar hyd lôn 1 (lôn fewnol) fel y cewch eich cyfarwyddo gan staff y safle. |
|
Peidiwch â pharcio oddi fewn na rhwystro Lôn 2 (Lôn Allanol). |
|
|
|
Peidiwch â cherdded ar hyd na mynd i Lôn 2 (Lôn Allanol). |
|
|
Ni ddylid ymgymryd ag unrhyw waith atgyweirio i'r cerbyd, newid teiar nac olwyn.Mae gwasanaeth adfer rhad ac am ddim ar gael |
|
|
Lleolir cyfleusterau toiled ar hyd y llain galed. |
|
|
Nid oes unrhyw gyfleusterau bwyta nac ymolchi yn y safle yma. |
|
Nid oes unrhyw fwyd na diod yn cael ei werthu yn y safle yma . |
|
|
|
Peidiwch â thaflu sbwriel a defnyddiwch y biniau a leolir ar y llain galed. |
|
|
Gadewch y safle ar gyfarwyddyd drwy reolaeth signal traffig. Mae holl symudiadau'r traffig o dan gyfarwyddyd staff y safle. |
|
|
Pan fyddwch yn y gofod aros gadewch le digonol rhwng eich cerbyd a'r cerbyd o'ch blaen i ganiatáu i chi adael y gofod aros os/pan fo angen. |
|
|
Dylech wisgo gorchudd wyneb pan fyddwch yn gadael eich cerbyd. |
|
|
Cadwch bellter cymdeithasol o 2m bob amser. |
|
|
Golchwch eich dwylo yn drylwyr. |
|
|
Dylai pob gyrrwr a theithwyr aros yn neu ger eich cerbyd. |
|
|
Dylai anifeiliaid aros yn eich cerbyd. |
|
|
Dylech adrodd am unrhyw hylif a gollwyd (olew, derv, petrol ac ati) i staff y safle. |
Thank you for your patience and cooperation.