0300 123 1213
Rydym yn croesawu galwadau’n Gymraeg. We welcome calls in Welsh.
Rydym yn croesawu galwadau’n Gymraeg. We welcome calls in Welsh.

A487 Gwaith Cwlfer A487 Royal Oak Cwestiynau Cyffredin

  1. Hafan
  2. A487 Gwaith Cwlfer A487 Royal Oak Cwestiynau Cyffredin
Cwestiynau Cyffredin
De Cymru

Mae angen y gwaith cwlfer i adnewyddu’r strwythur presennol, sy'n cynnwys diffygion strwythurol. Bydd ei adnewyddu yn sicrhau llif di-dor o'r cwrs dŵr ac yn atal y ffordd rhag cwympo neu lifogydd. Bydd y cwlfer newydd yn darparu sefydlogrwydd hirdymor i'r ffordd a'r ardal gyfagos, gan helpu i ddiogelu eiddo cyfagos a chynnal sefydlogrwydd gwasanaethau hanfodol fel systemau dŵr a charthffosiaeth sy'n mynd trwy'r cwlfer.

Bydd angen dargyfeirio offer telathrebu cyn y gall y prif waith cwlfer ddechrau yn 2025. 

Disgwylir i'r prif waith cwlfer ddechrau ym mis Ionawr 2025 a bydd yn golygu cloddio'r ffordd, tynnu'r hen gwlfer, sefydlogi'r tir cyfagos, adeiladu'r cwlfer newydd, ac ailadeiladu'r ffordd. Bydd diweddariadau pellach yn cael eu darparu yn agosach at yr amser.

1) A fydd telegyfathrebu, nwy, cyflenwad dŵr a charthffosiaeth yn cael eu heffeithio yn ystod y gwaith cwlfer?

Ni fydd unrhyw effaith sylweddol ar y gwasanaethau hyn. Rydym wedi bod yn cydlynu gyda Dŵr Cymru ers misoedd, wrth i'w carthffosydd a'u prif bibellau dŵr croyw redeg drwy'r cwlfer presennol. Bydd mesurau dros dro ar waith yn ystod y broses o adnewyddu'r cwlfer er mwyn atal amhariad i’r gwasanaethau hyn. Bydd Openreach yn sicrhau bod gwasanaethau telathrebu yn cael eu cynnal, a bydd unrhyw addasiadau angenrheidiol i linellau nwy yn cael eu rheoli i sicrhau mae’r Gwasanaeth yn parhau.
2) Sut y bydd pobl sy'n byw ar hyd y rhan o'r ffordd sydd ar gau yn cael mynediad i'w cartrefi?

Rydym eisoes wedi bod mewn cysylltiad â'r trigolion hynny sy'n byw yn union gyfagos i'r cwlfer ac a fydd yn cael eu heffeithio'n uniongyrchol gan y gwaith. Er na fydd mynediad uniongyrchol o fewn cyffiniau'r ardal gwaith cwlfer, ac nad oes mynediad ar draws y cwlfer, bydd mynediad i drigolion/busnesau yn cael ei gynnal yn lleol. Gall hyn fod yn fynediad ochr ddwyreiniol yn unig ar gyfer yr eiddo hynny ar ddwyrain y cwlfer, a mynediad trwy'r ochr orllewinol yn unig (ar gyfer yr eiddo hwn ar ochr orllewinol y cwlfer). Er y bydd yr A487 ar gau rhwng Stryd y Farchnad a Ffordd Parrog, bydd mynediad yn unig i'r eiddo/busnesau yn cael ei gynnal.
3) Sut bydd y gwaith hwn yn effeithio ar fysiau, cerbydau brys, cludiant nwyddau a gwasanaethau casglu sbwriel?

Rydym yn gweithio gyda Chyngor Sir Penfro a gwasanaethau trafnidiaeth i ddod o hyd i drefniadau amgen ar gyfer trafnidiaeth a gwasanaethau eraill yn yr ardal. Rydym hefyd wedi cwrdd â rhanddeiliaid allweddol, gan gynnwys y gwasanaethau brys, i sicrhau bod pawb yn ymwybodol o'r cau a'r cynlluniau amgen sydd ar waith. Yn ogystal, bydd gwaith yn cael ei gyfyngu i ddydd Sul yn unig ystod rhan gyntaf y gwaith helpu i leihau anhwylustod cyn cymaint â phosib.
4) Sut mae pobl i fod i gael at y busnesau lleol ar y rhan o'r ffordd sydd ar gau?

Bydd mynediad yn cael ei gynnal ar gyfer busnesau lleol, er efallai y bydd angen i gerddwyr ddefnyddio llwybr amgen, a bydd ceir yn dilyn gwyriadau lleol. Bydd traffig cefnffyrdd yn defnyddio'r gwyriad dynodedig. Dim ond un busnes, sydd wedi'i leoli'n agos iawn at y cwlfer, fydd yn cael ei effeithio'n uniongyrchol. Rydym mewn cysylltiad â'r perchennog i reoli hyn.
5) A fydd y gwaith yn swnllyd neu'n llychlyd?

Bydd yr holl waith yn dilyn Rheoliadau Rheoli Dylunio Adeiladu 2015, gan gynnwys mesurau rheoli llwch. Er y bydd rhywfaint o sŵn, bydd yn cael ei gadw i isafswm ac yn digwydd yn ystod y dydd i leihau anhwylustod.
6) A fydd unrhyw gyfyngiadau parcio?

Bydd cyfyngiadau parcio ar waith ar Stryd y Farchnad pan fydd yr A487 ar gau, gan na fydd traffig dwy ffordd yn bosibl gyda cheir wedi'u parcio ar y stryd tra bod goleuadau traffig ar waith.
7) Pam mae'r gwyriad mor hir a sut y bydd o’n cael ei hysbysu i draffig cefnffyrdd?

Bydd y wybodaeth am wyriadau yn cael ei gyhoeddi’n eang. Mae'r llwybr gwyriad yn hir oherwydd y nifer cyfyngedig o gefnffyrdd yn y rhan hon o Gymru. Fodd bynnag, mae'n rhaid i gerbydau nwyddau trwm ddilyn y llwybr hwn, gan nad oes dewisiadau amgen addas ar y rhwydwaith cefnffyrdd. Bydd arwyddion clir hefyd yn dangos na all cerbydau mawr ffitio trwy rai ardaloedd, gan eu cyfeirio at y gwyriad priodol.
Cynnwys Perthnasol
Cysylltu â Traffig Cymru