Dyddiad Cychwyn: 02/03/26 - Dyddiad Gorffen: 13/03/26
Gwaith Ail-wynebu Hanfodol ar y Ffordd Gerbydau 02/03/26 – 13/03/26 rhwng 19:00 a 06:00. Fodd bynnag, ni fydd y gwaith yn cael ei gyflawni ar nos Sadwrn a nos Sul.
Bydd gwaith atgyweirio hanfodol i wyneb y ffordd gerbydau ar oddeutu 1.2km o'r A487 Erglodd, Tre Taliesin, Ceredigion yn dechrau ar 02/03/26 i 13/03/26, ac eithrio’r penwythnos.
Nid yw'r ffordd yn ddigon llydan i wneud y gwaith yn ddiogel wrth gadw o leiaf un lôn o draffig ar gyfer cerbydau, felly mae angen cau'r ffordd yn llwyr dros nos.
Bydd y gwaith yn cael ei wneud rhwng 19:00 a 06:00 drwy gau’r ffordd gerbydau yn llwyr, fodd bynnag, bydd y gwaith yn cael ei atal ar nos Sadwrn a nos Sul. Bydd y gwaith yn digwydd dros nos pan fydd llif y traffig yn llai, a hynny i darfu cyn lleied â phosib.
Bydd y llwybr amgen i draffig sy'n teithio i gyfeiriad y gogledd o'r pwynt cau deheuol yn mynd ar hyd yr A487 i'r de at Bow Street, yr A4159 i'r de at Comins Coch, yr A44 i'r dwyrain i Langurig, yr A470 i'r gogledd-ddwyrain i Gaersws, yr A470 i'r gogledd-orllewin i Lantwymwyn ac yna ar yr A489 i'r de-orllewin i Fachynlleth gan ail-ymuno â'r A487. I'r gwrthwyneb i draffig sy'n teithio tua'r de o bwynt gogleddol y ffordd sydd wedi cau.
Am ragor o wybodaeth, cysylltwch â Thraffig Cymru ar 0300 123 1213 neu drwy X @TraffigCymruG