Ail-wynebu Crucywel – Cam 2 – Cwestiynau Cyffredin

Oherwydd bod cyflwr ffordd gerbydau'r A40 yng Nghrucywel yn dirywio, comisiynodd ACGCC gwmni Amey ar ran Llywodraeth Cymru, i ddatblygu dyluniad a rhaglen i adnewyddu'r palmant ar gyfer y rhan hon o'r rhwydwaith ffyrdd strategol. Bydd y gwaith hwn yn helpu i wella gwytnwch y rhwydwaith gan leihau gweithgareddau cynnal a chadw adweithiol yn y dyfodol. 

Cam 1 o'r gwaith — wedi'i ymestyn ar hyd yr A40 o'r gyffordd yn Ffordd y Castell at y groesfan sebra ger Gorsaf Dân Crucywel a darparwyd hyn yn llwyddiannus yn nechrau 2025. ⁠ 

Erbyn hyn rydym yn paratoi i gyflwyno Cam 2, sydd wedi'i drefnu i ddigwydd rhwng Ebrill a Mehefin 2026. Mae Cam 2 yn cynnwys ail-wynebu o'r groesfan sebra ger Gorsaf Dân Crucywel at y fynedfa i orsaf betrol Asda. ⁠ Er mwyn gwneud y gorau o'r mesurau rheoli traffig dros dro (TTM) sydd eu hangen ar gyfer y gwaith hwn, rydym hefyd yn cynnwys nifer o gynlluniau gwella gyda'r nod o wella'r seilwaith i gerddwyr a'r system ddraenio. Mae’r rhain yn cynnwys:

• Amnewid y draeniau llinellol presennol ac uwchraddio systemau draenio cyrbau cyfunol.
• Adnewyddu asedau draenio tanddaearol? diffygiol.
• Adnewyddu arwyddion traffig ar ddiwedd eu hoes.
• Gwelliannau i'r groesfan sebra bresennol y tu allan i Westy'r Bear.
• Gwelliant i nifer o groesfannau isel presennol ar hyd yr A40.

Mae dadansoddiad manwl o'r trefniadau a'r dyddiadau rheoli traffig dros dro arfaethedig ar gael ar ein tudalen am y gwaith yma.

Canllaw yn unig yw'r holl ddyddiadau a'r amseroedd a nodir uchod a gallant newid, oherwydd oedi annisgwyl fel tywydd gwael. 

Er mwyn lleihau'r tarfu ar y gymuned leol a busnesau, rydym wedi cymryd y camau isod:

Gwaharddiad ar ddydd Gŵyl Calan Mai a'r Sulgwyn:⁠ Ni fydd unrhyw waith yn cael ei wneud yn ystod y cyfnod gwyliau yn wythnos olaf mis Mai i leihau'r effaith ar fusnesau lleol.

Rheolaeth Traffig Dros Dro:⁠ Bydd y rhan fwyaf o'r gwaith yn cael ei wneud yn y nos, gyda lonydd ar gau yn ystod y dydd a goleuadau traffig lle bo angen, er mwyn ceisio lleihau aflonyddwch.

Gweithio ar y Penwythnos:⁠ Bydd gwaith ar y penwythnos yn ystod y dydd a'r nos yn digwydd lle bo hynny'n bosibl i leihau tarfu cyffredinol.

Cyflawni ar y Cyd:⁠ Mae nifer o gynlluniau wedi'u huno i wneud y mwyaf o effeithlonrwydd rheoli traffig dros dro a lleihau ailadrodd o ran tarfu.

Parcio: Darperir parcio rhad ac am ddim am 1 awr ym Maes Parcio Beaufort Street yn ystod y gwaith.

Gallant. Bydd mynediad yn cael ei gadw i'r holl fusnesau ac eiddo yn ystod y gwaith. Efallai y bydd cyfnodau lle mae mynediad yn gyfyngedig, a bydd marsialiaid yn hebrwng cerddwyr drwy'r gwaith.

Yn ystod y cyfnod hwn disgwylir y bydd oedi wrth deithio a chynghorir pobl i gynllunio ymlaen llaw ac i ganiatáu amser ychwanegol i deithio.

Bydd mynediad yn cael ei gynnal ar gyfer pob cerbyd dosbarthu, yn dibynnu ar gam y gwaith, efallai y bydd angen marsialiaid i hebrwng cerbydau drwy'r gwaith a darparu lleoliadau addas i gerbydau ddadlwytho. Bydd rhagor o fanylion yn cael eu darparu gan y prif gontractwr i fusnesau lleol, fel y gellir gwneud trefniadau addas.

Mae'r rheolaeth traffig dros dro wedi'i ddatblygu i sicrhau bod y rhan fwyaf o Grucywel yn dal i fod yn hygyrch i bob cerbyd gan gynnwys y gwasanaethau brys, lle mae cau lleol ar waith, byddwn yn darparu ar gyfer cerbydau brys.

Mae'r rheolaeth traffig dros dro wedi'i ddatblygu i sicrhau bod Crucywel yn dal i fod yn hygyrch i bob cerbyd, gan gynnwys bysiau yn ystod y dydd. Rydym wedi cysylltu â chyngor sir Powys ynglŷn â'r gwaith, a byddant hwythau yn rhoi gwybod i’r ysgolion a'r gwasanaeth bysiau lleol y bydd oedi wrth deithio yn ystod y gwaith hwn.

Nid oes unrhyw iawndal statudol i bobl neu fusnesau sy'n cael eu heffeithio gan lonydd yn cau / rheolaeth traffig dros dro. Gwnaed pob ymdrech i leihau'r tarfu ar deithiau.

Fodd bynnag, mae cymorth uniongyrchol gan Busnes Cymru ar gael i fusnesau sy'n wynebu ansicrwydd oherwydd cau ffyrdd/tarfu ar yr A40 sydd wedi'i deilwra yn ôl anghenion cleientiaid. Mae Busnes Cymru yn darparu un pwynt cyswllt i fusnesau ac entrepreneuriaid ar gyfer gwybodaeth, cyngor a chymorth busnes gan y sectorau cyhoeddus, preifat a gwirfoddol, a gellir cael mynediad digidol i hyn drwy http://businesswales.gov.wales a sianeli’r cyfryngau cymdeithasol a llinell gymorth 0300 060 3000. ⁠ ⁠ Mae Busnes Cymru yn cynnig cyfuniad o gymorth busnes ar-lein, dros y ffôn ac 1 i 1 ac mae'n darparu mynediad at ystod o gyngor busnes cyffredinol, gwybodaeth a chyfeiriadau yn ogystal ag elfennau arbenigol o gyngor megis gwaith teg; effeithlonrwydd adnoddau; masnach ryngwladol; sgiliau; caffael; a mentora.