Dyddiad cychwyn: 02/11/2025 | Dyddiad gorffen: 02/02/2026
Llanfair-ym-Muallt - Cam 2 gwaith ail-wynebu, gwelliannau i'r droedffordd a'r draeniad - 02/11/25 - 02/03/26
Bydd ail gam y gwaith ar yr A470/A483 yn ymestyn o gyffordd Stryd y Castell/Ffordd y Castell yn y dwyrain, ar hyd y coridor tua'r gorllewin (Broad Street, Stryd Fawr, Stryd y Gorllewin a Ffordd y Garth), gan ddod i ben ger y gylchfan fach ar Ffordd y Garth yn y gorllewin. Mae'r ail gam wedi ei drefnu i gael ei gynnal rhwng dydd Sul, 2 Tachwedd 2025, a dydd Llun, 2 Mawrth 2026. Mae angen ymgymryd â'r gwaith ail-wynebu a gwella er mwyn mynd i’r afael â rhannau sydd wedi dirywio ac yn diffygio, gan ddarparu arwyneb mwy llyfn/mwy diogel i ddefnyddwyr y ffordd, yn ogystal â gwelliannau i'r draeniad ac isadeiledd cerddwyr.
02/11/25 - 2/12/25 - Stryd y Castell: Cau'r lonydd tua'r dwyrain a'r gorllewin dan system goleuadau tair ffordd am oddeutu 4 wythnos, o ddydd Sul 2 Tachwedd i ddydd Mawrth 2 Rhagfyr.
Stryd y Castell: Cau yn llwyr yn y nos o ddydd Mawrth 2 Rhagfyr i ddydd Gwener 5 Rhagfyr, rhwng 19:00 a 07:00 (pan fydd llif traffig yn is). Yn ystod y cyfnod cau, bydd y gwyriadau a ganlyn yn eu lle:
- 05/01/2026 - 30/01/2026 Broad Street / Stryd Fawr: Cau yn llwyr i fyny at Strand Street am oddeutu 4 wythnos. Bydd trefniant gwrth-lif yn ei le ar y Strand, gan ail-gyfeirio traffig ar hyd Strand Street ac yn ôl ar yr A483 tua'r gorllewin rhwng 08:00 - 18:00
30/01/2026 - 02/02/2026 ac 07/02/2026 - 10/02/2026 Broad Street / Stryd Fawr: Cau yn llwyr i fyny at Stryd y Farchnad rhwng 19:00 - 07:00. Bydd trefniant gwrth-lif yn ei le ar hyd y cyfan o'r Strand, gan ganiatáu i draffig ail-ymuno â'r A483 tua'r gorllewin.
Gwaith dros y penwythnos yn cynnwys gwaith yn ystod y dydd a dros nos.
09/02/2026 - 13/02/2026 Stryd y Gorllewin: Cau lonydd dan drefn signal rheoli traffig dwy-ffordd o ddydd Llun 9 Chwefror i ddydd Gwener 13 Chwefror rhwng 08:00 - 18:00.
13/02/2026 - 16/02/2026 Stryd y Gorllewin: Cau'n llwyr. Bydd traffig yr A483 tua'r gorllewin yn cael ei ail-gyfeirio drwy Strand Street i'r Strand, a gweithredir hyn drwy drefniant gwrth-lif, gan ganiatáu i draffig ail-ymuno â'r A483.
Gwaith dros y penwythnos yn cynnwys gwaith yn ystod y dydd a dros nos.
20/02/2026 - 23/02/2026 ac 28/02/2026 - 02/03/2026 Ffordd y Garth: Cau yn llwyr o Stryd yr Eglwys i'r gylchfan fach. Bydd traffig yr A483 tua'r gorllewin yn cael ei ail-gyfeirio ar hyd Stryd yr Eglwys, ble gall ail-ymuno â'r A483.
Gwaith dros y penwythnos yn cynnwys gwaith yn ystod y dydd a dros nos rhwng 19:00 - 07:00.
A470 Tua'r Dwyrain: Bydd traffig sy'n teithio tua'r dwyrain ar yr A470 yn cael ei gyfeirio i ddilyn yr A483 i Lanymddyfri, gan wedyn gymryd yr A40 tua'r dwyrain i Aberhonddu, ble y gellir ail-ymuno â'r A470 a pharhau ar eu taith fel a drefnwyd.
A470 Tua'r Gorllewin: Bydd traffig sy'n teithio tua'r gorllewin ar yr A470 yn derbyn rhybudd ymlaen llaw ar gyffordd yr A470/A479 i gymryd yr A470 tua'r de i Aberhonddu, ymuno â'r A40 tua'r gorllewin yn Llanymddyfri, gan wedyn gymryd yr A483 tua'r gogledd i Lanfair-ym-Muallt a pharhau ar eu taith fel a drefnwyd.
Dylai'r holl draffig arall (nad ydynt yn gerbydau) aros wrth y pwyntiau cau nes gellir eu tywys/cyfeirio yn ddiogel trwy'r rhan sydd wedi'i chau.
Am ragor o wybodaeth, cysylltwch a Traffig Cymru ar 0300 123 1213 neu drwy X @Traffig.CymruG