Gwaith ailwynebu hanfodol rhwng Cyffordd 34 yr A55 (Ewloe) a Chyffordd 35 yr A55 (Dobshill), cyfeiriad y dwyrain yn unig. Bydd y gwaith a nodir yn cael ei gynnal rhwng dydd Sul, 22 Chwefror 2026 a dydd Sadwrn, 21 Mawrth 2026
Mae'r gwaith yn cynnwys:
- tynnu'r wyneb y ffordd gerbydau sydd wedi dirywio,
- atgyweirio ac/neu ailosod y slabiau concrit sydd o dan yr wyneb
- rhoi wyneb newydd gyda chynnyrch arwynebu gwell
- gosod gwaith haearn newydd
- newid rhan o’r system rwystro ar y ffordd.
Mae angen gwneud y gwaith gan fod wyneb y ffordd gerbydau wedi cyrraedd diwedd ei oes pwrpasol. Unwaith y bydd y gwaith atgyweirio wedi'i gwblhau, ni fydd unrhyw uniadau ar draws yr wyneb newydd a fydd yn helpu i leihau sŵn ffordd cysylltiedig yn y rhan hon. Bydd y gwaith hefyd yn helpu i leihau yr angen posibl i gau'r ffordd heb rybudd er mwyn gwneud gwaith atgyweirio arwyneb brys ar y rhan hon o'r A55.
Bydd y gwaith yn cael ei wneud rhwng 22 Chwefror a 21 Mawrth 2026, fel hyn:
- cau un lôn ar y ffordd gerbydau yn ystod yr wythnos (06:00 – 20:00),
- cau'n gyfan gwbl dros nos yn ystod yr wythnos (20:00 – 06:00) a chau'n gyfan gwbl ar y penwythnos (dydd Gwener 20:00 i ddydd Llun – 6:00).
- Ar y ffordd gerbydau tua'r Dwyrain yn unig.
Er mwyn cyflawni'r rhaglen hon, bydd y contractwr yn gweithio mewn shifftiau fel bod modd gweithio 24 awr y dydd.
Rydym wedi bod mewn cyswllt agos â'r awdurdod lleol i sicrhau bod y llwybrau gwyriad mwyaf addas yn cael eu defnyddio ac er mwyn rheoli'r llwybrau'n effeithiol drwy gydol cyfnod y gwaith.